تامر حسني: كنت بطل مشروع تخرج عمرو الليثي

وجه الفنان تامر حسني، رسالة دعم لجمهوره كعادته، مطالبًا إياهم أن يتخذوا من قصة كفاحه؛ مصدرًا للطاقة الإيجابية والإلهام، للاستمرار في السعي، بالإضافة إلى أنه كان بطلًا لمشروع تخرج الإعلامي الكبير  عمرو الليثي.

وقال حسني: طالب من كل متابعيني يشوفوا الفيديو ده، لأنه مليان بالطاقة الإيجابية اللي ممكن تطمن كثير منكم.. ممكن يكونوا أحبطوا عشان فشلوا في شيء.. بس ميعرفوش أن اللي مستنيهم أهم وأجمل.. بس يجتهدوا ويسعوا.. ربنا موجود ومش بيضيع تعب حد.

وأضاف: ملحوظة هامة جدًا.. الطفل اللي في الفيديو هو أنا برضو وأنا عندي 11 سنة.. كنت بطل مشروع تخرج صغير على قدي.. بس كان مشروع تخرج الإعلامي الكبير عمرو الليثي من معهد السينما، ودمجته مع تصوير جديد مخصوص مع صديق العمر المخرج الكبير ياسر سامي، وعملته من فترة بس أكيد مش الكل شافه.. يارب يعجبكوا، وعلى فكرة دي قصتي بجد.